हरि ॐ शिव । परमहंस योगसेवामा यहाँहरुलाई स्वागत छ।
सदगुरूदेवको परिचय
वि.सं. २०१० फागुन २३ मा जन्म लिनु भएको सद्गुरुदेव परमहंस आचार्य योगिराज बालकृष्णानन्द "मुक्तबुद्ध" ज्यू अतियोग सिद्ध गुरु हुनुहुन्छ। उहाँले वि.सं. २०३८ सालमा अतियोगद्वारा निर्विकल्प समाधि, अमोघ ब्रह्मज्ञान वोध गर्नुभएको हो । उहाँलाई वि.सं. २०४३ सालमा सम्पन्न धर्मसभाबाट विधिपूर्वक परमहंस आचार्य योगिराज सन्त शिरोमणि १०८ स्वामी बालकृष्णानन्द पदबाट विभूषित गरिएको हो । त्यस्तै वि.सं. २०४९ वैशाख २४ गते गोदावरी बौद्ध गुम्बामा बुद्ध धर्मका शिरोमणि झट्टेल रिन्पोछे (Chatral Sangye Dorje Rinpoche) ज्यूले “मुक्तबुद्ध" (स्वयं सिद्ध भएको बुद्ध) उपाधिबाट विभूषित गर्नुभएको हो ।
सद्गुरुदेवले विगत चार दशक देखि आफ्नो जीवन मानव मात्रको कल्याणको लागि समर्पित गर्नुभएको छ । निःस्वार्थ सेवा भाव प्रेम पूर्वक, आत्म-सुधार गर्दै मानव जन्मको मूल उद्देश्य परब्रह्म परमेश्वरको ज्ञान र विज्ञानको अनुभूति गराई यथार्थ बोध गराउन हजारौँ हजार शिष्यहरूलाई पथप्रदर्शन गर्नुभएको छ ।
सद्गुरुदेव अत्यन्तै दुर्लभ जीवित गुरुहरू मध्ये एक हुनुहुन्छ, जसले दुर्लभ र रहस्यमय ज्ञान, विज्ञान, अतियोग (जोग्चेन), राजयोग, लययोग, हठयोग, अष्टाङ्गयोग, कियायोग आदि उच्चस्तरीय साधनाका साथै कुण्डलिनी जागरण, आत्मज्ञान, ब्रह्मज्ञान आदि विषयमा शिक्षा, दीक्षा, प्रवचन एवम् प्रशिक्षण प्रदान गर्दै आउनुभएको छ ।
सद्गुरुबाट प्राप्त ब्रह्मदीक्षा सन्यासको पनि अन्तिम हो, योगको पनि अन्तिम हो, तन्त्रको पनि अन्तिम हो ।
